الحلقة اللى فاتت اتكلمنا عن لوانت رايح للضابط برجليك طب لو هو جالك هتعمل اية
طب يعنى اية
يعنى وانت قاعد كدا فى امان الله لقيت واحد (مخبر رخم الاهى يتحرق ) بيخبط عليك وبيقولك
انت ياجدع انت ؟؟
البيه المعاون عايزك فى القسم ؟؟
يالهوى القسم لية هو انا عملت اية ؟؟( اترعبت ليه يابنى اسطبر لحد ما نعرف فيه اية )
طب وهو انا مطلوب فيه
طبعا هيرد عليك بمنتهى الفظاظة ويقولك
وانا ايش عرفنى تعالى وخلاص
هنا بقى يا معلم هتعمل اية ؟؟
هتقولة معلش سورى انا اسف مقدرش اروح معاك بدال حضرتك مش جايلى بشكل رسمى
طبعا هو بقى هيسمع كلمة رسمى (هيفتركه رسمى بيه ظابط المباحث ) ايون يا فندم المتهم مش راضى يجيى معايا
هنا بقى تقوله
اسف لو مع حضرتك طلب حضور ياريت توريهولى وتتفضل ترجع
طب لو راح وجابلى طلب حضور طيب اعمل اية ؟
امضى على انك استلمته وشربه الشاى (الشاى اللى بنشربه مش رشوة تدهالوا لانه هينطلك كل شوية )
ومشية
طب وانفض مروحشى ؟
لا متنفضش ياعم الحج انت ابعت محامى بتاعك بتوكيل منك (لازم يكون فيه توكيل منك للمحامى والا محدش هيقوله حاجة عن سبب طلبك حتى ولو بشكل ودى لانه ممنوع )
طب وانا ممكن اعرف انا مطلوب فى اية ؟
اه بيبقى مكتوب فى طلب الحضور سبب تواجدك امام ضابط المباحث
طب الطلب شكلة اية ؟
بيبقى كدا
مديرية امن ...... (المحافظة اللى انت فيها )
قسم ........(القسم التابع ليه )
بناء على الطلب المقدم من / ممكن يكون واحد كاتب فيك محضر او بيستشهد بيك فى واقعة حصلتله
نفيد علم سيادتكم بانه يلزم عليكم الحصور امامنا للسؤال عن صحة الواقعة
وبس
بيبقى مكتوب بقى لو كان فيه حد كتب فيك بلاغ او حد عايزك فى شهادة
طب الطلب دا بيبقى مختوم ولا اية ؟
مش لازم يكون مختوم وكمان مش لازم يكون مطبوع بمعرفة هيئة الشرطة ممكن يكون مكتوب بخط الايد
طب انا خدت الطلب معلشى بقى البيه المعاون عايزنى انا هروحله جرى
شوف الهبل بقى بتاع الناس
ياعم استنى انت ما صدقت ولا اية
ياعم الحج ممكن يكون مكتوب فيك بلاغ وساعتها بقى يا حلو لو روحت الصبح هيبعتوك كدا فى كلبش لحد النيابة وممكن مش يطلع معاك اى عسكرى لان اغلبهم بيكون طلع مأموريات فتفضل لحد بليل وهوب تبات فى الحجز لان مفيش عرض عن النيابة بعد الساعة 2 الظهر
ويا سلام بقى لو كنت رايح فى يوم خميس هتبات خميس وجمعة وهتظيط يا ريس مع المساجين (رحلة فاخرة )
ريح نفسك من البهدلة ووكل محامى
طب والله مانا رايح والى يعملوه يعملوه ؟
جدع
طب صحيح لو مروحتش اية اللى هيجرى ؟
مش هيحصل حاجة هيبعتوا المحضر على النيابة والنيابة بقى تقدر ان كان لازم حضرتك تيجي او لا لو قالت انك تيجيى هتبعتلك طلب
مع امين شرطة او اى حد من القسم
طب وانا هاعرف ازاى انه من النيابة
هيبقى مكتوب فيه كدا
السيد / اسم حضرتك طبعا (بقيت مشهور يا ريس ووصلت للنيابة ) نفيد علم سيادتكم بانكم مطلوبون للحضور امام السيد / اسم وكيل النيابة وليكن (أحمد حجازى ) الساعة (كذا) فى محكمة (اللى انت تابع ليه ) لسؤالكم حول (موضوع الواقعة المقدمة فيك ان كانت شكوى او شهادة )
طب واية يعنى طلب من النيابة انا مش رايح ؟
لا يا معلم دول مش بيلعبوا الناس دى لازم تقدرها عشان ممكن تطلع اذن ضبط واحضار وبعدين يجيلك المخبر الرخم اللى فوق دا
وهنا بقى هياخدك هياخدك انت اتفزلكت عليه واهو جايلك بشكل قانونى
طب لو مروحتش فى الميعاد مثلا اللى كان مكتوب وروحت بعدها فيها حاجة ؟
اه لازم تقدم عذر مقبول لوكيل النيابة يعنى قوله كنت عيان (يا كداب ) ولا مسافر برة مصر (وانت شكلك مسبتش بيتكم )
وهو هيقبلها
وبعدين بقى تشوف اية حكاية المحضر وكدا
طب انا مش فاضى ممكن ابعت محامى يتابع الموضوع من بعيد ؟
ايون بس لازم يكون معاه توكيل عام قضايا حاطط شرطة تحت توكيل عام قضايا يعنى يبقى وكيلك فى القضايا بس
طب انا عامل لاخويا توكيل عام عنى ينفع ؟
لا طبعا يا ريس مكنش حد غلب
طب اانا عملت توكيل للمحامى اية اللى هيحصل انسى بقى الموضوع هو هيرد عنك وهيتسال عنك ويتابع القضية لو فيه قضية
طب انا عايز اعمل توكيل للمحامى (خلف خلاف المحامى ) اعمله ازاى
تجرى تخطف رجلك لحد الشهر العقارى اللى انت تابع ليه هتلاقى ناس قاعدة كدا برة بتطرابيزات قوله عايز توكيل محامى
فى قضايا هيدوهولك بربع جينة (اكتر من كدا خارج التسعيرة والطش معاه واضربه )
وروح طالع ع المحكمة والطش اى محامى (اهم اكتر من الهم على القلب زاحمين المحاكم وخلاص )
واعمل التوكيل يا ريس ومبروك عليك
اعدام فى قضية سرقة
سلامووووووووووووووز بقى نتقابل فى السجن
الأحد فبراير 14, 2010 2:58 am